Bergwanderung Arosa, 19. August 2018
Jo höt sell am Ruedi sini Wanderig nach Arosa goh
drum tüend mer am Morge echli gliner Neuehof verloh
im Zug duet eus de Ruedi den härzlich begrüesse
und hofft dass alli de hötig Tag chönd gnüsse
16 Wanderer Via Züri‚ ab Chur gohts denn obsi met de Bahn
den chömed mer churz nach de zähni z'Arosa im Cafe Simmen a
Cafe und Gipfeli wardet bereits uf eusi Truppe
den werd uteilt i verschedeni Gruppe
drü Wanderer fahred met de Seilbahn bis zur Mittelstation Weisshom
si händ Glöck si gsehnd de Bär Napa, das esch de verdienti Lohn
För de räschde vo de Wanderer gohts rechdig Ochsenalp
det gehts de verdienti Mittagshalt
met ere so e grosse Schpischarte
das het mer uf dere Alp ned chöne erwarte
alli send den au sehr z‘friede met dem Ässe
so schnäll werd mer die Alp, Sandra und das ganze Team ned vergässe
die einte düend eres Ässe no met eme Dessert versüesse
während dem de SUPPECHASCHBER no duet sis Söppli gnüsse
nach dem feine Ässe gohts witer‚ adieu Ochsenalp
bim rote Tritt gehts denn de nächschdi Halt
vom rote Tritt bis is Brätschli esches nömme wit
langsam befendet mer eus ufem Heiweg‚ es wird Zyt
gäge Schluss ghöred zwe Vo de Truppe zu de zahme
wos plötzli tönt: die düend jo lahme
ab Arosa gots den witer heimwärts rechdig Chur
mer händ verschbötig und drum lueget mer au ufd Uhr
ab Chur im IC gots den zemmli schnäll
und z‘Neuehof chömet mer guet a‚ es esch no hell
en schöni Wanderig got domet z‘end
i de hoffhig dass alli weder sonen Wanderig wänd
und zum Schluss möchd ich em Ruedi und allne Wanderer
härzlich Danke säge
guet gfüehrt öbs obsi oder netsi gange esch of allne Wäge
André
Bericht von André Piron
→ zu den Bildern