Winterwanderung Schwarzwald, 19. Februar 2017

 

Wer hed den das vo eus Naturfründe chöne erwarte
das mer am 19. Februar en wanderig im dürsche wördet starte
jo in schöne Schwarzwald nach Bernau sölls den go
und dass mer met de auto tüend Neuenhof verloh
vom Susi und vom Hausi chunt die gueti Idee
chom mer wogets bi eus obe hets secher no Schnee
zerscht Näbel und nachher schönschte sonneschy
so händ mer's erwartet so sölls doch au si
mer werdet vom Susi und vom Hausi härzlich empfange
s'get feine Zopf und früsche Kafi net us de Kanne
früsch gstärkt machend mer eus of de Wäg
d'Sonne lachen, gueti Luft. 13 Wanderer und alle sind zwäg
nach eme schöne Marsch vo cirka 2 Stunde
chunt d'Wandergruppe a. Met Appentit met eme gsunde
s'Vroni und de Paul chömed direkt zum ässe
s'Knüh vom Vroni streikt drum muess si d'Wanderig vergässe
en perfekti Bedienig im Bernauer Hof und es super esse
so schnell werdet mer den die Beiz ned vergässe
nach em Mittag tretet mer weder langsam de heiwäg a
im Restaurant Schwarzwaldhaus chered mer nomol i
jo wörklich es esch en schöne Tag im Schwarzwald gsi
jetzt befindet mer eus im Dorfteil Bernau Innerlehen
und eus blibt zäge chömet alli guet hei und aufwiedersehen!

Vele Dank nomol am Susi und am Hausi und alli wo metcho sind


Prion André

Bericht von Prion André

zu den Bildern