Familienwanderung "Rund um den Zugersee 2" vom 12. Juni 2016

 

Trotz Räge of der Wättercharte
möcht de Ruedi D`Wanderig schdarte
in Tierpark Goldau sölls den go
Punkt 8 20 tüend mir Neuehof verloh
S`Wätter esch denn gar ned so schlächt
wie hett doch de Ruedi weder emol rächt
en tolli Gruppe esch do zämecho
wo Z`Arth Goldau het de Zug verloh
de Wolf, de Bär, Vögel und vel Reh
Fesch, de Reier und veli Tier hämmer gseh
öber Mittag macht de Petrus D`Schloisse uf
rägne tuets ned lang s`höhrt gli weder uf
en Vermuetstropfe; do gots ums dusse ässe
wenns halt rägnet muemer das vergässe
nachem Mittag säge mer am Tierpark ade
im Reschderant guet gässe jetzt gots uf de See
Zug um Zug brengt ois Schiff Zug nach Zug
Zyt got ume wie im Flug
ufem Schiff gnüsset alli es tröpfli Wy
es wird emmer fröhlicher; jo es esch sehr luschdig gsi
öber Bouschdel in Bade werd plötzlich diskurtiert
jo de Schulhusplatz und Umgäbig werd doch gross saniert
Badenfahrt chund auno derzue, esch gar ned schlächt
oder seitmer Badenerfahrt? händ die oder die andere rächt
ich glaub de Ruedi duet de en Umfrog schdarte
damet niemer mues of de Aschlusszug warte
im Heiweg im Zug, churz vor Thalwil luegt de Ruedi ufd Uhr
gälled sie Froilein si schdiged doch secher um, richdig Chur
jo, seit die Frau meteme Lächle im Gsecht
am Ruedi chunt das vor wienes schöns Gedecht
met de S12 gohts jetzt uf die leschdi Etappe
und mer send öberzügt au das werd no klappe

Jo, es esch en tolle Tag gsi, ich möcht am Ruedi nomol herzlich danke säge und natürli au herzliche Dank allne wo metcho send.

Bericht von André Piron

zu den Bildern